Siglir tar il cuntegn

Naziunal/Internaziunal La Svizra en il quartfinal

Grazia ad in cler 5:1 cunter la Frantscha sa qualifitgescha la squadra naziunala per il quartfinal dal campiunadi mundial da hockey sin glatsch en il Danemarc. Là spetga la Finlanda.

Plirs hockeyans.
Legenda: Ils Svizzers sa qualifitgeschan per il quartfinal dal campiunadi mundial. Keystone

Al campiunadi mundial da hockey sin glatsch en il Danemarc gudogna la Svizra la davosa partida da gruppa cunter la Frantscha. Quai cleramain cun 5:1. Grazia a questa victoria suverana sa qualifitgescha la squadra naziunala per il quartfinal nua ch'ella frunta la gievgia sin la Finlanda. Ils Finlandais han terminà la fasa da gruppa B sin l'emprim plaz.

Suenter duas terradas en seria han ils Svizzers persvas en l'ultima partida da la fasa da gruppa A. Ils gols per la Svizra han sajettà tschintg differents giugaders, numnadamain Grégory Hofmann (13'), Enzo Corvi (16'), Ramon Untersander (38'), Kevin Fiala (43') e Simon Moser (54').

Cun cuntanscher il quartfinal ademplescha la squadra naziunala da hockey las pretaisas fatgas per il campiunadi mundial en il Danemarc.

RR novitads 15:00