Siglir tar il cuntegn

Header

cuntegn

Naziunal/Internaziunal La Svizra frunta sin la Belgia e l’Islanda

L’equipa naziunala svizra da ballape frunta en la nova «UEFA Nations League» sin la Belgia e l’Islanda. A la sedia da la UEFA a Nyon è vegnì tratg la sort per quai nov format da turnier che duai remplazzar ils numerus gieus da test senza impurtanza sportiva.

Il trenader naziunal Vladimir Petkovic dastga esser cuntents cun la sort. Era gigants dal ballape sco la Germania, la Spagna u il Portugal fissan numnadamain stà adversaris pussaivels. Encunter la Belgia ha la Svizra dà l’ultima giada la primavaira 2016 ed ha pers cun 1:2. Encunter l’Islanda ha la Svizra gudagnà 5 da 6 gieus, l’ultima gieu è stà l’atun 2013 tar la qualificaziun per ils campiunadis mundials, lura aveva la Svizra fatg in pari (4:4).

UEFA Nations League, Liga A

Gruppa 1
Gruppa 2
Gruppa 3
Gruppa 4
GermaniaBelgiaPortugalSpagna
FrantschaSvizraItaliaEngalterra
OllandaIslandaPologna
Croazia

Il modus

En la nova «UEFA Nations League» datti quatter ligas (A, B, C e D) cun mintgamai quatter gruppas. La Svizra dat en la pli auta liga A en la gruppa 2.

Ils victurs da las quatter gruppas dattan dals 5 fin ils 9 da zercladur 2019 in pitschen turnier. Cun la finamira da gudagnar il titel da la «Nations League». Ils ultims da mintga gruppa vegnan relegads en la gruppa B. Ils gieus da gruppa cun gieus da partenza e da return han lieu dal settember fin il november 2018.

audio
Saira: Tge è questa Nations League?
ord Actualitad dals 24.01.2018.
laschar ir. Durada: 23 Secundas.

RR novitads, 14:00

Artitgels legids il pli savens