La Svizra perda 4 plazzas en la rangaziun mundiala da la FIFA

Suenter la terrada cunter il Portugal en il davos gieu da qualificaziun per il campiunadi mundial 2018 perda la squadra da Vladimir Petkovic uschia quatter posiziuns. Uschia tutga la Svizra tar la segunda gruppa che vegn tschernida en cas ch'els sa qualifitgeschan per il campiunadi mundial 2018.

Purtret da giugaders da la naziunala svizra suenter il gieu cunter Portugal. Bild in Lightbox öffnen.

Legenda da maletgs: La Svizra perda cun il gieu cunter Portugal er 4 plazzas en la rangaziun mundiala da la FIFA. Keystone

La rangaziun actuala è questa giada da grond'impurtanza per ils campiunadis mundials da ballape 2018. Quella influenzescha numnadamain d'ina vart tge squadras che fruntan ina sin l'autra tar ils playoffs dal november che vegn. E lura era cura ch'i vegn tratg las gruppas per il campiunadi mundial. Cun perder l'ultim gieu cunter il Portugal è la Svizra ruschnada da l'emprima gruppa en la segunda gruppa che vegn tschernida.

La Frantscha è l'equipa che profitescha. Ella tutga ussa tar las otg meglras equipas per il campiunadi mundial. Els pon uschia segir betg entupar la Germania, la Brasilia, il Portugal, l'Argentinia, la Pologna u la Russia. En la segunda gruppa èn dentant era la Spagna e l'Engalterra. Il prim da december vegn tratg la sort per las gruppas da la runda finala dals campiunadis mundials.

RR novitads 11:00