Naziunal/Internaziunal - Laaksonen egualisescha per la Svizra a la Cuppa Davis
Henri Laaksonen (ATP 120) ha ademplì sia rolla da favurit a la Cuppa Davis ed ha gudagnà la segunda partida per la Svizra encunter la Svezia. Quai encunter Jonathan Mridha (ATP 1094) en trais sets cun 7:6 (7:5), 6:2, 6:3.
Ordavant aveva Marc Andera Hüsler (ATP 386) stuì suttacumber a Markus Eriksson (ATP 455) en tschintg sets cun 6:3, 6:4, 4:6, 6: 7 e 4:6. Uschia statti 1:1 suenter las duas partidas singulas.
La sonda giogan Antoine Bellier e Luca Margaroli en il dubel per la Svizra.
