Siglir tar il cuntegn

Header

Navigaziun

Cursa la notg, um sin aissa – ualti stgir.
Legenda: La cursa da notg dal Laax Open. SRF
cuntegn

Naziunal/Internaziunal Laax Open senza plazzas da podest svizras

Ils trais snowboardists svizzers, ch'eran sa qualifitgads per il final en la mesa pipa, n'èn betg vegnids sin il podest. Quai rapporta l'agentura da novitads SDA.

Ils snowboardists svizzers han manchentà tar lur cursa da chasa il podest. Tar ses comeback en la concurrenza da la mesa pipa è Youri Podladtchikov daventà 6avel. El era l'emprima giada suenter sia greva cupitgada puspè a la partenza. Jan Scherrer e Patrick Burgener èn daventads sett- ed otgavel. Gudagnà la concurrenza ha l'Australian Scotty James, avant il giapunais Yuto Totsuka e l'American Jake Pates.

La resumaziun da la federaziun FIS:

Tar las dunnas ha l'Americana e campiunessa olimpica Chloe Kim dominà la cursa. Ella haja mussà in'autra classa che tut tschellas dunnas, scriva l'agentura da novitads SDA. Segunda è vegnida l'unica dunna da l'Europa, ch'aveva cuntanschì il final, numnadamain la spagnola Queralt Casstelet, e terza l'Americana Arielle Gold.

La resumaziun da la federaziun FIS:

RR novitads 20:00