Siglir tar il cuntegn
Inhalt

Lahti 2017 Ils Svizzers turnan senza medaglia da Lahti

Per l’emprima giada dapi il 2005 turna la Svizra senza ina medaglia nordica da campiunadis mundials u da gieus olimpics.

Purtret da Cologna che splunta sin dies a Harvey.
Legenda: Dario Cologna (7avel) gratulescha al Canadais Alex Harvey sin il titel da campiun mundial en la cursa da 50 kilometers. Keystone

L’ultima schanza da gudagnar medaglia ha Dario Cologna gì en la cursa roiala, ils 50 kilometers en il stil liber. Cologna ha terminà quella sco 7avel. Curt avant Lahti ha Dario Cologna gì problems cun in ventrigl, problems ch’el ha gia gì la stagiun passada. Sco consequenza ha Cologna stuì desister da tuttas cursas classicas ed è partì mo en las duas ultimas cursas. Betg tschient per tschient fit e betg en top furma è Cologna stà duas giadas datiers dal podest, ma na betg sin il podest.

Mo era sche la medaglia quasi usitada da Dario Cologna ha mancà datti tuttina intgins aspects positivs dals campiunadis mundials a Lahti, per exempel Nathalie von Siebenthal ch’è vegnida quarta en il skiatlon, la renaschientscha da la staffetta da las dunnas e la staffetta dals umens ch’ha manchentà mo piz a cup ina medaglia.

RR actualitad 07:00