Atlet top, material top. Quai èn ils dus facturs principals per avair success en il sport da passlung. Cun ses bun 13avel plaz en il skiatlon a Lahti ha Jonas Baumann mussà ch'el ademplescha quels dus criteris: Ton el sco atlet è stà top ed era ils skis sajan stads svelts.
Cun buns sentiments a la partenza dals 15 km
Grazia a sia bun’emprima cursa va Jonas Baumann cun buns sentiments a la partenza dals 15 kilometers classic, ina cursa cun partenza singula. Cuntrari als blers da ses collegas d’equipa è Baumann pli ferms en il stil classic ch’en il stil liber. En quai senn è l’atlet da Lon sin la Muntogna da Schons quasi in exot en l’equipa svizra.
Sa revegnir bain è impurtant
Mo dus dis suenter la cursa da 15 kilometers parta Baumann lura era anc en la staffetta da 4 x 10 kilometers. Igl è sia terza cursa a Lahti entaifer gnanc in’emna, perquai saja impurtant da sa revegnir bain.
RR actualitad 07:00