Siglir tar il cuntegn

Header

cuntegn

Lahti 2017 Staffetta svizra senza Toni Livers

Toni Livers da Trun na po betg partir en la staffetta svizra da passlung a Lahti. Livers è stà malsaun al cumenzament da l’emna. Perquai han ils trenaders decidì da laschar partir enstagl dad el a Jason Rüesch da Tavau.

Ils 50 kilometers la dumengia èn uschia l’unica cursa per Toni Livers a Lahti. Ils ultims tschintg champiunadis mundials ed ils davos trais gieus olimpics era Toni Livers adina currì la staffetta per la Svizra.

audio
Mezdi: Lahti - Staffetta senza Livers
ord Actualitad dals 03.03.2017.
laschar ir. Durada: 3 minutas 37 Secundas.

Enstagl dad el han ils trenaders nominà Jason Rüesch da Tavau che curra gest al cumenzament. Lura suanda Jonas Baumann sin il segund tschancun classic ed ils dus tschancuns en stil liber curran sco emprim Dario Cologna e lura Curdin Perl. Per ils dus rutinads Cologna e Perl èsi l'emprima cursa a quels campiunadis mundials da ski nordic.

Artitgels legids il pli savens