Siglir tar il cuntegn

Lahti 2017 Von Siebenthal ha bunas schanzas per ils 30km

Uschè grondas sco tar ils 30km da las dunnas a Lahti, n'èn las spetgas anc mai stadas tar Nathalie von Siebenthal.

Purtret da Nathalie von Siebenthal
Legenda: Von Siebenthal ha grondas spetgas en sa sezza per la cursa dals 30km a Lahti. Keystone

Nathalie von Siebenthal ha bunas schanzas sin ina medaglia en la cursa dals 30km. Las spetgas èn anc mai stadas uschè grondas. A Lahti ha ella enfin ussa mussà ina buna prestaziun. Dal skiatlon è ella daventada quarta ed en la staffetta è ella stada sin ses tschancun la segund svelta.

Von Siebenthal spetga bler da sa sezza. Ella haja lavurà fitg sin quest campiunadi mundial e vul ina medaglia. In crap da stgarpitsch pudess dentant esser ch'ils 30km èn gia la quarta cursa en nov dis. N'è ella betg memia stancla suenter quai? Ma, von Siebenthal di che quai saja tar tuttas il cas.

La davosa cursa da las dunnas als campiunadis mundials a Lahti cumenza oz a las 13:00. Il Radio Rumantsch rapporta live.

RR actualitad 07:00