Siglir tar il cuntegn
Inhalt

Lai 2018 Downhill: il spectacul è garantì

Al campiunadi mundial da mountainbike a Lai na vegn betg sulet cumbattì per medaglias en las disciplinas da cross-country cun Nino Schurter u Jolanda Neff, mabain er en las cursas da downhill.

Legende: Video Il trail da downhill a Lai abspielen. Laufzeit 03:25 Minuten.
Or da Telesguard dals 05.09.2018.

Per ils downhillers vai al pe dal Corn Cotschen be en ina direcziun, engiu, quai sin in trail sur crappa e ragischs. La finamira è dad esser uschè spert sco pussibel puspè giudim. Malgrà ch’ils atlets han si schanegiaders per la schanuglia, per ils cumbels, per il dies e chapellinas spezialas dovri sper blera forza, cundiziun e tecnica er bler curaschi per sa metter cun in tal tempo a val.

E malgrà che quest sport vesa forsa ora simpel cun l’emprima egliada pretenda il sport da downhill bler trenament. Insatge è dentant segir, las cursas da downhill a Lai vegnan a procurar per bler spectacul.

RR actualitad 17:00