Siglir tar il cuntegn
Inhalt

Lai 2018 Downhill: Tut las Svizras aifer las top 15

Fin ussa hai dà mintga di da quest campiunadi mundial da mountainbike ina medaglia d'aur per la Svizra. Tar il downhill da la dumengia a Lai n'hai dà nagin exploit svizzer.

Legende: Audio Saira: Resultats, valitaziuns ed impressiuns dal downhill a Lai abspielen. Laufzeit 03:09 Minuten.
03:09 min, Sportissimo dals 09.09.2018.

La meglra Svizra – Emilie Siegenthaler (Bienna) – vegn 6avla, 6 emnas suenter sia blessura al cumbel. Da las Svizras tuttas ch'èn aifer las top 15.

Gudagnà il downhill da las dunnas da moda suverana ha la brita Rachel Atherton, radund 10 secundas avant la brita Tahnee Seagrave e la franzosa Myriam Nicole.

Las Svizras:

  • 6. Emilie Siegenthaler + 20,729 sec.
  • 10. Janine Hübscher + 29,131 sec.
  • 11. Carolin Gehrig (Flem) + 30,858 sec.
  • 12. Carina Capellari (Cuira) + 31,130 sec.
  • 13. Eva Bartolla +31,772 sec.
  • 15. Camille Balanche +31,997 sec.

Meglier Svizzer: Basil Weber

En il downhill ha il campiun mundial franzos Loïc Bruni pudì defender ses titel. Quai avant il beltg Martin Maes (+ 0,213 sec.) ed il brit Danny Hart (+ 0,305 sec.). Meglier Svizzer è stà Basil Weber sin plaz 36.

Ils Svizzers:

  • 36. Basil Weber (Laax) +8,739 sec.
  • 44. Lutz Weber (Laax) + 10,914 sec.
  • 56. Noel Niederberger + 14,470 sec.
  • 60. Felix Klee + 15,457 sec.
  • 61. Janis Lehmann + 15,590 sec.

Quai è stà il trail dal campiunadi mundial

RR sportissimo 12:00+