Il di dad aur è stà la sonda, cura che 25'000 aspectaturs han vesì, co Nino Schurter è vegnì campiun mundial. Tenor il schef dal comite d’organisaziun Christoph Müller è il campiunadi mundial stà ina gronda festa da mountainbike. In meglier campiunadi mundial na possian ins betg s'imaginar.
Dapli aspectaturs che spetgà
Ils organisaturs han quintà cun bun 30'000 aspectaturs durant il campiunadi mundial. Cun 60'000 è quai dumber dentant vegnì surpassà per il dubel. Christoph Müller conceda ch’els sajan vegnids surprais in zic da la fulla da glieud, oravant tut la sonda. Blers èn perquai stads ditg en colonna la sonda. Reacziuns negativas haja el dentant strusch survegnì.
RR actualitad 06:00