Mikaela Shiffrin gudogna er il super-G da San Murezzan. In'emna suenter che l'Americana ha gudagnà per l'emprima giada insumma en questa disciplina a Lake Louise, ha la skiunza da 23 onns triumfà avant la Svizra Lara Gut-Behrami (+0,28) e Tina Weirather (+0,42) dal Principadi dal Liechtenstein.
L'equipa da las Svizras ha mussà ina buna prestaziun cun
- 5. Michelle Gisin (+0.76)
- 7. Joana Haehlen (+1,55)
- 11. Wendy Holdener (+1,85)
- 17. Corinne Suter (+2,03)
- 19. Jasmina Suter (+2,16)
- 22. Priska Nufer (+2,34)
- 32. Rahel Kopp (+2,88)
- 36. Jasmine Flury (+3,07)
Dischillusiunada vegn Jasmine Flury ad esser. L'onn passà aveva ella gudagnà a San Murezzan – questa giada ha ella pers 3 secundas sin Shiffrin.
Las dunnas svizras turnan adina puspè gugent a San Murezzan. Sin la pista da la Corviglia ha per exempel Lara Gut-Behrami cun gnanca 18 onns gudagnà sia emprima cursa. Ubain la Grischuna Jasmine Flury ha gudagnà tar las cursas da chasa il super-G da la stagiun vargada. Ed al campiunadi mundial 2017 avevan Wendy Holdener e Michelle Gisin gudagnà aur ed argient tar la cumbinaziun.
RR novitads 12:00