Siglir tar il cuntegn

Header

cuntegn

Naziunal/Internaziunal Lara Gut danovamain sin il podest

En il slalom gigant a Sestriere ha Gut gudagnà la medaglia da bronz cun in retard da 29 tschientavels sin l'emprima.

Gudagnà ha la Franzosa Tessa Worley avant la Taliana Sofia Goggia. Per Lara Gut è quai gia la quarta plazza da podest da la stagiun. En il classament general ha Gut scursanì ses retard sin Mikaela Shiffrin sin mo anc 8 puncts differenza. L'Americana manava anc suenter l'emprim percurs dal slalom gigant. En il segund percurs è ella crudada enavos sin posiziun 6.

Team svizzer en furma

Las curriduras da Swiss-Ski han traglischà a Sestriere. Simone Wild è vegnida 7avla e Mélanie Meillard 10avla. Per ellas è quai il meglier resultat da lur carriera en in slalom gigant da la cuppa mundiala. Er Wendy Holdener ha pudì far puncts cun ses 20avel plaz.

RR novitads 15:00

Artitgels legids il pli savens