Siglir tar il cuntegn

Header

cuntegn

Naziunal/Internaziunal Lara Gut gudogna er cursa rapida - Fabienne Suter segunda

La Tessinaisa Lara Gut gudogna suenter la supercumbinaziun ier, oz er la cursa rapida a Val d’Isère. Quai avant sia cumpatriota Fabienne Suter. La gronda favurita, l’Americana Lindsey Vonn, è crudada ora.

Gnanc 24 uras suenter sia emprima victoria d’ina cursa en la supercumbanaziun, po Lara Gut festivar la segunda victoria a Val d’Isère. La skiunza svizra da 24 onns è stada la sperta en la cursa rapida.

Ina buna prestaziun ha era sia cumpatriota Fabienne Suter mussà. La skiunza or dal Muotathal è vegnida segunda (+ 0,16) avant la Canadaisa Larisa Yurkiw (0,41) ed ha uschia procurà per ina victoria dubla da las skiunzas svizras. Cumplettà il bun resultat da las Svizras ha Corinne Suter sco 5avla.

audio
Lara Gut gudogna cursa rapida avant Fabienne Suter
ord Sportissimo dals 19.12.2015.
laschar ir. Durada: 4 minutas 44 Secundas.

Vonn croda ora, resta dentant a la testa

La gronda favurita e manadra dal classament general, l’Americana Lindsey Vonn è crudada ora – sco suletta da las meglras 30 skiunzas dal mund. En il classament general è Lara Gut uschia be pli 2 puncts davos Lindsey Vonn che resta vinavant a la testa.

Artitgels legids il pli savens