Siglir tar il cuntegn

Header

cuntegn

Naziunal/Internaziunal Lara Gut gudogna la culla gronda - Wendy Holdener la pitschna

Triumf total per las skiunzas svizras a Lai. Cun Lara Gut gudogna suenter 21 onns puspè ina Svizra il classament general da la cuppa mundiala. Wendy Holdener ha gudagnà la supercumbinaziun ed uschia er la culla pitschna.

audio
Skis: Lara Gut gudogna culla gronda da cristal
ord Sportissimo dals 20.03.2016.
laschar ir. Durada: 1 minuta 39 Secundas.

A Lara Gut ha la terza plazza en la supercombinaziun tanschì per segirar la gronda culla da cristal. Quai è grategià l'ultima giada a Vreni Schneider, l'onn 1995. Per la Tessinaisa è quei la curunaziun dad ina grondiusa stagiun. 11 giadas è Lara Gut stada sin il podest, 6 giadas il pli sissum.

Gudagnà la cursa da la supercombinaziun a Lai ha Wendy Holdener. Ella po uschia festivar en Svizra sia secunda victoria en la cuppa mundiala. Holdener menava gia suenter il slalom. Sper la victoria gudagna la skiunza era la culla da cristal da disciplina. L'emprima en sia carriera.

Tranter las duas Svizras sin il podest da la supercombinaziun è l'Austriacca Michaela Kirchgasser sco segunda. La buna prestaziun da las skiunzas svizras vegn cumplettada cun il quart plaz da Denise Feierabend.

RR novitads 15:00

Artitgels legids il pli savens