Siglir tar il cuntegn

Header

Navigaziun

cuntegn

Naziunal/Internaziunal Las cursas dad Adelboden attiran millis fans

Las cursas dal «Chuenisbärgli» ad Adelboden èn legendaras. Il slalom gigant ed il slalom attiran las massas.

Dapi passa 60 onns s’entaupa l’elita dal sport da skis ad Adelboden per curunar ils retgs dal slalom gigant e dal slalom dal «Chuenisbärgli». Las cursas legendaras èn er dapi l'entschatta da la cippa mundiala da skis l’onn 1967 part da quella. Durant tut quels onns èn las cursas dad Adelboden daventadas legendaras. L'enconuschenta costa dal «Chuenisbärgli» vala sco ina da las pli difficilas da l’entira cuppa mundiala. En sasez sa bittan ils skiunzs ad Adelboden giu dad in plaunca. Quai è segir unic.

Cumenzament dals classichers en Svizra

Las cursas dad Adelboden marcheschan il principi da las cursas da la cuppa mundiala en Surselva Bernaisa. L’emprim Adelboden ed in emna suenter Wengen. Ils dus lieus èn pelvair legendars. Tant ad Adelboden sco era a Wengen gudognan mo ils megliers da quest sport. Part da las legendas dad Adelboden e Wengen èn sa chapescha era ils fans. Quels vegnan mintgamai en roschas. Questa fin d’emna ad Adelboden vegnan spetgadas varga 40’000 persunas.

Marc Berthod – ultim victur Svizzer

Dapi la davosa victoria svizra sin il «Chuenisbärgli» èn vargads divers onns. Ils onns 2007 e 2008 ha Marc Berthod da San Murezzan savì gudagnar l’emprim il slalom ed in onn suenter era gest il slalom gigant dad Adelboden. Dapi lura spetgan ils Svizzers ed uschia era ils fans sin ina victoria dad in skiunz svizzer. Anc mai eran las schanzas uschè intactas sco quest on. Tant tar l’equipa dal slalom gigant sco era dal slalom èn cun Loic Meillard e Thomas Tumler sco era cun Daniel Yule e Ramon Zenhäusern skiunzs svizzers a la partenza cun il potenzial dad ir sin il podest.

RR actualitad 10:30