Siglir tar il cuntegn

Header

L'equipa da curling da Flem sa legra.
Legenda: L'equipa da Flem po sa legrar da la 4. victoria als campiunadis mundials en il Canada. Keystone
cuntegn

Naziunal/Internaziunal Las giugadras da curling da Flem gudognan er cunter la Germania

La squadra dal curling dal club da Flem cun il skip Binia Feltscher han pudì megliurar la bilantscha sin 4:1. Al campiunadi mundial en il Canada ha l'equipa da Flem gudagnà cunter la Germania cleramain cun 9:2. L'equipa tudestga ha dà si suenter l'otgavel end.

Als campiunadis mundials da curling en il Canada gudogna l’equipa da las dunnas dal club da curling da Flem cun il il skip Binia Feltscher era la quarta partida. Las dunnas da Flem,campiunessas mundialas dal 2014, han realisà la pli clera victoria fin ussa al campiunadi mundial. Uschia han ellas pudì megliurar la bilantscha sin 4:1.

La proxima partida dattan las damas da Flem encunter la squadra svedaisa.

Ina survista da las partidas:

  • Emprima partida - las Svizras da Flem gudagnan cunter las dunnas dals Stadis Unids cun 5:4.
  • Segunda partida - alura aveva l’equipa svizra pers cunter las defensuras dal titel, l’equipa indigena dal Canada cun 4:7.
  • Terza partida - la notg passada han las Svizras chattà la via al success e nudà la segunda victoria da 7:6 cunter il Danemarc.
  • Quarta partida - victoria cunter la Finlanda cun 9:6.
  • Tschintgavla partida – clera victoria cunter la Germania cun 9:2.

RR novitads 06:00

si/ma/sda/ij