Siglir tar il cuntegn
cuntegn

Naziunal/Internaziunal Las giugadras svizras persvadan

Cun ina clera victoria ha la squadra naziunala da las dunnas svizras cuntinuà il turnier dal campiunadi mundial da ballape en il Canada.

Ina scena dal gieu da ballape Svizra cunter Ecuador.
Legenda: Fabienne Humm sa legra dal 5:0, il terz gol da sia tripletta cunter l’Ecuador. Keystone

Las Svizras han battì l'Ecuador cun 10:1, ed han uschia bunas schanzas da sa qualifitgar per ils otgavelfinals. Cun sajettar 3 gols entaifer mo 5 minutas, ha Fabienne Humm procurà per la tripletta la pli sperta en l'istorgia dals campiunadis mundials da las dunnas. In'ulteriura tripletta hai dà da Ramona Bachmann.

Giapun gia vinavant

En il segund gieu da la gruppa svizra han las Giapunaisas gudagnà cun 2:1 cunter il Camerun. Uschia è il Giapun sa qualifitgà per ils otgavelfinals.

La Svizra cun bunas cartas

Quai munta ch’il gieu da mardi che vegn tranter la Svizra ed il Camerun decida, tge squadra ch’arriva en ils otgavelfinals. Grazia a la meglra differenza da gols tanscha in pari a las dunnas svizras.