Tar la cursa en sia patria americana, gudogna Mikaela Shiffrin cun in avantatg da var ina mesa secunda sin la Slovaca Petra Vlhova. Terza daventa la Svedaisa Frida Hansdotter, la campiunessa olimpica.
Cun la plazza 5 cuntanscha Michelle Gisin ses meglier resultat insumma en il slalom. La 6avla Wendy Holdener aveva pers la schanza sin il podest gia en l’emprim percurs.
Trais ulteriuras skiunzas Svizras fan era anc puncts. Las giuvnas Aline Danioth da l’Uri, Elena Stoffel dal Vallais e Carole Bissig da la Sutsilvania vegnan sin ils rangs 18, 20 e 24.
RR actualitad 20:00
