En l’emprima mesadad ha la squadra da la trenadra Martina Voss-Tecklenburg pudì tegnair cun success il pari 0:0. Dentant mo 49 secundas suenter che la segunda mesadad ha cumenzà, marcan las Americanas l’emprim gol. Suenter han las Svizras incassà trais ulteriurs gols.
Bleras giugadras absentas
Dasper intginas giugadras da tschep sco Ramona Bachmann, Ana Maria Crnogorcevic, Rachel Rinast u Lia Wälti ha mancà a curta vista era l’attatgadra Fabienne Humm dal FCZ.
Preparaziun sin il campiunadi europeic
Las duas partidas cunter las Americanas servan a la naziunala svizra sco test per il campiunadi europeic da l’autra stad en l’Ollanda. Il segund gieu da test ha lieu la dumengia a Minneapolis en in stadion cun 73’000 plazs.
RR novitads 10:00