Naziunal/Internaziunal - Laurien van der Graaff triumfescha a Lai
La passlunghista grischuna gudogna cun il sprint al Tour de Ski per l’emprima giada ina cursa da la coppa mundiala. Van der Graaff procura uschia per ina partenza da siemi per la terza ediziun dal Tour de ski a Lai.
Legenda:
Laurien van der Graaff ha realisà a Lai il pli grond success da sia carriera.
Keystone
2 / 4
Legenda:
Il podest tar las dunnas:
da san. plazza 2 Sophie Caldwell (USA), plazza 1 Laurien van der Graaff (SUI) e plazza 3 Maiken Caspersen Falla (NOR).
Keystone
3 / 4
Legenda:
Il podest tar ils umens:
da san. plazza 2 Federico Pellegrino (ITA), plazza 1 Sergey Ustiugov (RUS) e plazza 3 Lucas Chanavat (FRA).
Keystone
4 / 4
Legenda:
Dat l'entschatta al Tour de Ski a Lai:
Dario Cologna sa qualifitgescha la sonda per il quartfinal dal sprint en stil liber.
Keystone
audio
Tour de ski: Laurien van der Graaf gudogna il sprint liber
02:38 min, ord Sportissimo dals 30.12.2017.
laschar ir. Durada: 2 minutas 38 Secundas.
audio
Dario Cologna ha cumenzà bain il Tour de ski
02:18 min, ord Sportissimo dals 30.12.2017.
laschar ir. Durada: 2 minutas 18 Secundas.
audio
la biatleta Selina Gasparin tar las passlungistas
01:35 min, ord Sportissimo dals 30.12.2017.
laschar ir. Durada: 1 minuta 35 Secundas.
Uschia po festivar Laurien van der Graaff ses – enfin uss – pli grond success quasi avant sia porta chasa: L’atleta da Tavau gudogna cun ina prestaziun suverana l’emprima cursa dal Tur de ski 2017/2018. Secunda vegn l'Americana Sophie Caldwell, terza la campiunessa mundiala da la Norvegia, Maiken Caspersen Falla.
Program dal Tour de ski a Lai
Avrir la boxSerrar la box
Sonda, 30-01
10:30 qualificaziun sprint en stil liber (umens e dunnas)
13:00 final sprint en stil liber (umens e dunnas)
Dumengia 31-01
10:30 partenza singula umens – 15 km en stil classic
15:00 partenza singula dunnas – 10 km en stil classic
Glindesdi 01-01
11:00 persecuziun dunnas – 10 km en stil liber
13:00 persecuziun umens – 15 km en stil liber
Van der Graaff era sa qualifitgada sco suletta Svizra cun tschintg autras curriduras per il final dal sprint da skating. Suenter ina buna partenza e la qualificaziun per il quartfinal èn Nadine Fähndrich, Nathalie von Siebenthal e la biatleta Selina Gasparin betg pli vegnidas vinavant.
Umens svizzers betg cun tant success
En in foto-finish cun ses collega d’equipa Roman Schaad ha manchentà Dario Cologna la qualificaziun en il mezfinal. Il Grischun finescha l’emprim di dal Tour de ski cun 10 secundas da bonus e la 14avla plazza en il sprint. Meglier Svizzer è stà Jovian Hediger sin plazza otg, trais plazzas avant Roman Schaad.
Sergey Ustiugov ha defendì ses titel dal Tour de ski da l’onn passà. Il Russ ha gudagnà avant il Taglian Federico Pellegrino ed il Franzos Lucas Chanavat e survegn uschia 60 secunda da bonus sin il classament total.
