Siglir tar il cuntegn
cuntegn

Naziunal/Internaziunal Lea Sprunger gudogna aur sur 400m

La curridra è campiunessa europeica sur 400 meters obstachels. Cun quai è ella l'emprima Svizra cun quest titel.

Purtret da Lea Sprunger che tegna ina bandiera svizra enta maun.
Legenda: Lea Sprunger suenter sia cursa. Keystone

Igl è l'emprima medaglia d'aur per la Svizra als European Championships a Berlin ed il medem mument er l'emprim titel da campiunessa europeica insumma per ina sportista svizra en l'atletica leva. Lea Sprunger ha gudagnà la cursa sur 400 meters obstachels.

D'avair scrit istorgia Svizra fa schon in zic loscha mai.
Autur: Lea SprungerCurridra

Sprunger ha gudagnà cun in temp da 54,33 secundas. Segunda è l'Ucraina Anna Ryschikowa e terza la Britta Meghan Beesley.

Sprunger tutgava tar las favuritas per il titel. L'onn passà è l'atleta da 28 onns da Nyon vegnida 5avla als campiunadis mundials a Londra ed il 2016 terza als campiunadis europeics ad Amsterdam.

RR novitads 06:00