Naziunal/Internaziunal - Leuenberger sto bandunar il SC Berna
Lars Leuenberger na vegn betg pli ad esser trenader dal SC Berna la proxima stagiun. Il contract cun Leuenberger na vegnia betg prolungà, communitgescha il club da la chapitala in di suenter ch’ils Bernais han cuntanschì il mezfinal dals playoffs.
La decisiun saja independenta, schebain els daventian campiun svizzer u betg. Il cussegl d'administraziun haja prendì questa decisiun avant il cumenzament dals playoffs ed era orientà Leuenberger lasuenter. Tgi che succeda al trenader da 40 onns, n’è anc betg enconuschent.
