Siglir tar il cuntegn

Naziunal/Internaziunal Lezcano serrà per 8 gieus

L'attatga da David Lezcano encunter l'arbiter Fedayi San ha consequenzas: El vegn serrà per 8 gieus. Quai ha decis la cumissiun disciplinara da la Swiss Fooball League.

L'arbiter mussa la carta cotschna a Dario Lezcano da l'FC Lucerna
Legenda: Suenter in foul vesa Dario Lezcano la carta mellen-cotschna. Keystone

Capità èsi en l'88avla minuta en la partida dal FC Lucerna cunter ils Grasshoppers: il Paraguaian era vegnì tramess giu dal plaz suenter ina carta mellen-cotschna. Sinaquai aveva Lezcano dà in culp dal chau a l'arbiter e stuschà quel cunter il pèz.

Il respect envers l'arbiter è fundamental

La cumissiun disciplinara da la Swiss Fooball League ha valità quest'acziun sco violenza encunter l'arbiter. Il respect encunter l'arbiter saja in element fundamental dal gieu. La violenza envers in arbiter ha sancziuns pli severas sco consequenza sco ina violenza envers in giugader, argumentescha la cumissiun sia decisiun.

Uschia vegn Dario Lezcano a pudair giugar puspè il pli baud a partir dals 8 da november per il FC Lucerna.