Sulet 11 gols, e 9 cun in um dapli – aveva Ambri marcà en las otg emprimas partidas dal campiunadi. Cunter ils Lions han ils Tessinais fatg suenter il 0:1 da Garrett Roe, quatter gols aifer 8:41 minutas.
E dals tschintg gols da Ambri van quatter sin il conto dal giugader finlandais Julius Nättinen. Quel è stà la stagiun passada il capo-sajettagols da la pli auta liga finlandaisa.
Per ils ZSC Lions è la terrada cunter Ambri dentant la terza en seria. Ed en tut han els incassà 19 gols – cunter il EVZ han els pers 3:6 e 2:8.
Ils resultats da mardi saira:
- Ambri – ZSC Lions 5:2
- Genevra – Berna 5:3
- Losanna – Lugano 2:1 suenter prolungaziun
- SCL Tigers – Friburg 3:4 suenter prolungaziun