Siglir tar il cuntegn

Header

cuntegn

Liga naziunala Dus giugaders suspendids suenter checks

Noah Schneeberger dals Rapperswil-Jona Lakers e Tommy Wingels da Genevra-Servette èn suspendids preventiv per mintgamai ina partida. Cunter omadus è vegnì avert ina procedura ordinaria da la cumissiun disciplinara da la Federaziun svizra da hockey.

Schneeberger ha checkà sonda saira ses adversari Mattia Hinterkircher dad Ambri-Piotta cunter il chau. Il medem ha fatg Wingels en il gieu tranter Genevra e Losanna, cunter l'adversari Joel Vermin.

video
Il check da Wingels cunter Vermin
Or da Sport-Clip dals 20.12.2019.
laschar ir. Durada: 36 Secundas.

Plinavant èn Eric Fehr da Servette e Tommaso Goi dad Ambri-Piotta vegnids serrads per mintgamai in gieu. Fehr sto pajar in chasti da 2'500 francs pervi d'in culp cun il fist cunter Tyler Moy. Goi sto pajar in chasti da 1'500 francs pervi da direzza exagerada.

RTR novitads 16:00

Artitgels legids il pli savens