Tavau è parti fulminant en la partida encunter Langnau. Malgrà che Langnau ha fatg l’emprim gol da la partida è la reacziun dal champiun da record stada vehementa. Or dad in 0:1 ha l’equipa grischuna fatg en l’emprim terz in 6:1. Aifer da paucas minutas ha il HCD giugà vi da la paraid a Langnau. L’equipa bernaisa ha betg giu il recept per tegnair encunter. Uschia na ha il trenader da Langnau Rikard Franzén giu nagina autra pussaivladad sco dad empruvar da dar in impuls cun midar ils golis. Quai ha dentant gidà mo per part.
Suenter la lavina purtà a chasa la victoria
Per il Club da Hockey da Tavau era il gieu decis gia suenter l’emprim terz. En il segund ha quai anc da in gol da Langnau. Era pervia che Tavau na ha betg pli giugà uschia vehement sco anc durant las emprimas ventg minutas. Era cun prender ora in zichel dal tempo na è la victoria da l’equipa grischuna mai stada periclitada. Tavau gudogna meritadamain encunter Langnau e festivescha uschia la quarta victoria en seria. Durant questa stagiun na è quai anc mai gartegià al HCD da gudagnar quatter giadas en fila.