Suenter l'emprim terz eran ils SCL Tigers cun 1:0 ordavant. Al cumenzament dal segund terz han ils Lakers lura surpiglià il dictat e sajettà dus gols. Bain han ils Tigers lura egualisà – mo curt suenter an ils Lakers marcà il 2:3.
Paucas minutas avant la fin eran ils SCL Tigers anc adina anavos, quai cun 3:4. Sinaquai han els prendì ora lur goli. Il gol giavischà ha dentant lura marcà Rapperswil-Jona – al resultat final da 3:5.
Cun questa terrada restan ils SCL Tigers a la cua da la tabella. Ils Lakers fan percunter bun in pèr plazs.