Naziunal/Internaziunal - Lillehammer: Dario Cologna 7avel sur 10 km en stil liber

audio

Passlung – Dario Cologna fa il setavel plaz

02:01 min, ord Sportissimo dals 03.12.2016.

laschar ir. Durada: 2 minutas 1 Secunda.

En la cursa sur diesch kilometers en stil liber ha Cologna cuntanschì il setavel plaz a Lillehammer en Norvegia. En il mini-tur tras ils anteriurs stadions da gieus olimpics ha il jauer pers 14,3 secundas sin il victur, il Svedais Calle Halfvarsson. Segund è vegnì Marcus Hellner.

1 / 6

Legenda: Trais tudestgs sin il podest da la cursa sur 10 km (da san.) il segund Johannes Rydzek, l’emprim Eric Frenzei ed il terz Fabian Riessle. Keystone

2 / 6

Legenda: Eric Frenzei (D) gudogna la cursa sur 10 kilometers a Lillehammer. Keystone

3 / 6

Legenda: Sin plaz 7 - Dario Cologna ha mussà en la quarta cursa da la stagiun ina prestaziun marcantamain meglra ch'en l'emprima. Keystone

4 / 6

Legenda: Curdin Perl vegn 30avel en la cursa en stil liber sur 10 kilometers. Keystone

5 / 6

Legenda: Toni Livers sa classescha en la cursa sur 10 km stil liber sin plaz 35 da 97 curridurs. Keystone

6 / 6

Legenda: Laurien Van der Graaff vegn 51avla da 76 curriduras en il sprint sur 5 km a Lillehammer. Keystone

Fin al punct culminant da la stagiun da passlung, ils Campiunadis mundials nordics a Lahti, dura anc trais mais. En congual cun Dario Cologna è il star norvegiais Petter Northug anc pli dalunsch davent da sia furma optimala. El ha fatg la 51avla plazza en la cursa cun 97 participants.

Cologna ha manchentà per 7,6 secundas dad esser per la 36avla giada sin il podest.

RR novitads 12:00