Siglir tar il cuntegn

Naziunal/Internaziunal Lindsey Vonn gudogna l'80avla giada

Cun il sprint da la cursa rapida dad oz ha Lindsey Vonn gudagnà sia 80avla cursa da la Cuppa mundiala.

Purtret da Lindsey Vonn che sa legra.
Legenda: L'Americana, Lindsey Vonn ha gudagà oz a Garmisch sia 80avla cursa da la Cuppa mundiala. Keystone
  • 1. Lindsey Vonn (USA) 1:12,84
  • 2. Sofia Goggia (I) + 0,02 secundas
  • 3. Cornelia Hütter (A) + 0,13 secundas

Lindsey Vonn ha gudagnà l'emprima da duas cursas rapidas a Garmisch-Partenkirchen. L'Americana ha gudagnà sin in percurs scursanì cun dus tschientavels avantatg sin la Taliana Sofia Goggia.

Cun questa terza victoria da la stagiun ha Vonn sa segirà sia 80avla victoria da sia carriera. Sin la chatscha dal record dad Ingemar Stenmark, ch'è fitg impurtanta finamira da Vonn, ha ella uschia pudì scursanir anc pli fitg la distanza. Stenmark ha gì 86 victorias.

Gut meglra Svizra

Lara Gut ha cuntanschì sco meglra svizra il 6avel rang. La Tessinaisa ha pers 66 tschientavels sin Vonn. Sin la terza, l'Austriaca Cornelia Hütter ha ella pers 53 tschientavels. Priska Nufer e Michelle Gisin, èn vegnidas sin las plazzas 12 e 14.

  • 6. Lara Gut + 0,66
  • 12. Priska Nufer + 1,16
  • 14. Michelle Gisin + 1,20
  • 20. Jasmine Flury + 1,45
  • 24. Corinne Suter + 1,69
  • 26. Joana Hählen + 1, 79

RR novitads 14:00