Il final a Madrid ha cumenzà cun in dètg plum. Suenter 21 secundas siglia la balla vi dal maun da Moussa Sissoko da Tottenham, e quai en la zona avant il gol. L'arbiter tschivla, e Mohamed Salah realisescha il penalti a moda suverana.
Suenter ves'ins ina partida pauc animada, cun paucas schanzas sin omaduas varts. Il gol decisiv per Liverpool croda lura trais minutas avant la fin, entras Divock Origi ch'il trenader Jürgen Klopp aveva anc tramess sin la plazza.
Il Svizzer Xherdan Shaqiri che n'ha betg dastgà dar en quest final – gudogna sco emprim Svizzer per la segunda giada il titel.
RR novitads 23.00