Tom Lüthi è stà il pli spert a l’emprim da trenament per il grond premi da la Malaisia. Il pilot bernais è stà a Sepang 0,267 secundas pli sperts ch’il Tudestg Jonas Folger. Il campiun mundial, il Franzos Johann Zarco, ha sco terz per bunamain trais dieschavels sin Tom Lüthi.
Buc propi vegnids sin turas en ils emprims trenaments libers per il grond premi da la fin d’emna èn ils ulteriurs svizzers. Randy Krummenacher ha sco 21avel pers passa duas secundas sin Tom Lüthi. Jesko Raffin e Robin Mulhauser èn classads sco 24avel e 26avel.
Dominique Aegerter n’è suenter ses accident al grond premi d’Aragonia betg a la partenza a Sepang.
