Siglir tar il cuntegn

Naziunal/Internaziunal Lüthi manchenta pole position

Il motociclist svizzer Tom Lüthi ha manchentà per il nair da l’ungla la pole position per il Grond Premi da Valencia. El parta sco segund ed uschia ord l’emprima fetscha a la cursa en Spagna.

Tom Lüthi al Grond Premi da Valencia.
Legenda: Tom Lüthi durant la qualificaziun per il Grond Premi da Valencia. Keystone

El saja bain stà en ritmus ed haja attatgà directamain, sco Lüthi di. Tras in pitschen sbagl en sia runda pli sperta ha el pers sis millisecundas encunter il Franzos Johann Zarco.

Per Lüthi vai da defender il segund rang en il classament general. Actualmain ha il Bernais 11 puncts avantatg sin il terz, il Spagnol Alex Rins. Lez parta la dumengia da la plazza 5 en la cursa.

Betg uschè svelts èn stads ils ulteriurs Svizzers: Jesko Raffin è vegnì 21avel e Robin Mulhauser parta da la posiziun 27.

RR novitads 17:00 / RR Sportissimo 17:00