Lüthi na po betg pli daventar Campiun

En Malaysia ha Lüthi daumagnà il 6avel plaz. Johan Zarco ha gudagnà la cursa a Sepang ed è uschia Campiun da quest onn.

Purtret da Tom Lüthi durant ina cursa. Bild in Lightbox öffnen.

Legenda da maletgs: Tom Lüthi durant ina cursa. Keystone

Donn ch'il titel saja davent di Lüthi, el na discurra dentant betg d'ina trumpada. El è da l'avis che sias schanzas sajan stadas pitschnas ed uschia n'aveval el betg gì fatg grondas speranzas. Zarco è l'emprim en questa classa che dumogna da defender il titel.

Cumbat per il classament general

En il cumbat per ils top trais en il classament general è Lüthi pil mument sin buna via. El è er fitg cuntent che quai è il cass, damai che la stagiun n'aveva betg cumenzà bain per el. Lüthi è da l'avis ch'el haja pers il titel gia là cun sias cupitgadas. Cun ses 214 puncts giascha el sin il segund plaz davos Zarco che ha 251 puncts. Schebain ch'el haja gì ina greva cursa è el vegnì d'engrondir il spazi tranter el ed il terz Alex Rins sin 11 punct e sin il quart plazzà Franco Morbidelli sin 17 puncts.

RR novitads 08:00