Lüthi tar 200avel GP mo sin plaz 12

Tom Lüthi n’ha betg pudì persvader a ses 200avel GP. Il Svizzer ha terminà la cursa ad Austin en ils Stadis Unids sin il 12avel plaz.

Trais töffs da cursa Bild in Lightbox öffnen.

Legenda da maletgs: Tom Lüthi cun il numer 12 davos Xavier Simeon (19). Keystone

Gudagnà la cursa en la categoria da Moto2 ha il brit Sam Lowes avant il franzos Johann Zarco ed il spagnol Alex Rins.

Era ils ulteriurs Svizzers n’han gì nagin success ad Austin la dumengia. Suenter ina buna partenza ha Dominique Aegerter ristgà memia bler ed è crudà en la 6avla runda. Aegerter ha pudì cuntinuar la cursa, n’ha dentant betg pli giu ina schanza per il cumbat per ils emprims plazs. El ha terminà la cursa sin plaz 18.

MotoGP

En la cursa da MotoGP ha Marc Marquez gudagnà. Il Spagnol da 21 onns ha gudagnà gia per la 20avla giada en la categoria roiala.

RR novitads 22:00