Siglir tar il cuntegn

Header

cuntegn

Naziunal/Internaziunal Lugano dumogna la promoziun – Aarau vegn relegà

Il club da ballape da Lugano turna suenter 13 onns puspè enavos en la Super League.

Cun la victorida da 2:0 cunter Bienna en la penultima runda da la Challange League è la promoziun stada perfetga. Ils onns 90 tutgavan ils Tessinais tar ils megliers clubs da la liga naziunala A da lez temp. Suenter il 2000 ha Lugano lura gì da cumbatter cun gronds problems finanzials enfin ch'il club è lura ì concurs il 2002.

Ils giugaders dal FC Aarau èn frustrads.
Legenda: Ils giugaders dal FC Aarau èn frustrads suenter che la relegaziun èn la Challenge League è decidida. Keystone

Aarau sto definitivamain giugar en la Challange League

Il pass en la Challange League sto perencunter il FC Aarau far. Cun la terrada da 1:5 cunter Son Gagl è la relegaziun suenter duas stagiuns en la pli auta liga stada decidida. Profità da questa terrada ha Vaduz, malgrà ch'il club dal Principadi dal Lichtenstein ha pers la partida cunter ils Grasshoppers cun 0:1.

Turitg po far plans per l'Europa League

Il FC Turitg po cumenzar a planisar per l'Europa League. A Lucerna han il club da Urs Maier gudagnà cun 1:0 e po uschia francar sia 4 plazza en la tabella.

Sion ha gudagnà cun 6:2 cunter ils Young Boys. Thun ed il campiun svizzer l'FCB han giugà in pari da 2:2.

RR novitads 06:00

Artitgels legids il pli savens