Enrique remplazza Julen Lopetegui ch'è vegnì relaschà trais dis avant ch'il campiunadi mundial da ballape ha cumenzà. El è vegnì relaschà perquai ch'el ha suttascrit in contract cun Real Madrid senza avair infurmà il president da la federaziun da ballape spagnola.
Da Luis Enrique spetga la Spagna ch'el furneschia buns resultats e che la Spagna restia ina da las meglras equipas dal mund.
Avant intgins onns ha Enrique gì da schliar in sumegliant problem tar l'FC Barcelona ch'era en la crisa. Suenter che Enrique ha cumenzà sia lavur ha el manà Barcelona a la victoria en la Champions League ed ha gudagnà cun ils Catalans nov titels en trais stagiuns.
RR novitads 16:00