Gia per la segunda giada en seria ha il victur da la lutga al Weissenstein en il chantun Soloturn num Samuel Giger. Il lutgader da la Turgovia ha mess en dies Michael Wiget en la lutga finala aifer 38 secundas. Uschia turna l'atlet da 21 onns da moda suverana en il sport da lutga suenter sia blessura.
Desistì da la lutga al Weissenstein ha il lutgader grischun Armon Orlik. Quai pervia d'ina pitschna blessura vid la spatla. I saja stà ina mesira da prevenziun, ha declarà il giuven da Maiavilla.
RR sportissimo 17:00