Ad Oberdorf ha Armon Orlik gudagnà las emprimas quatter lutgas e lura giugà pari cunter Andi Imhof. En la lutga finala ha il lutgader grischun fatg curtas cun Matthias Herger. Suenter paucas secundas e cun sia segunda attatga ha Orlik mess en dies ses adversari. Suenter la lutga finala ha il public chantà happy birthday per il victur dal di.
Armon Orlik ha ussa gia gudagnà 14 festas da cranz en sia anc giuvna carriera, duas en questa stagiun. Vinavant vai lu per el en bun duas emnas. Il glindesdi da Tschuncaisma cumbatta Orlik a la festa da lutga grischuna-glarunaisa. Il punct culminant da la stagiun spetga lura la fin avust cun la festa da lutga federala a Zug.
RR Sportissimo 17:00