Il comité d'organisaziun ha orientà davart il stan da las preparativas. E Zug vegn anc ina giada pli grond, cumpareglià cun la davosa festa da lutga federala ad Estavayer-le-Lac il 2016. En sasez han ils puspè vulì far in zic pli pitschen l'eveniment suenter il 2016. Ma uss duai la festa vegnir anc ina giada pli gronda.
La dumonda saja dentant uschè gronda ch'ins n'haja betg pudì far auter che anc ina giada engrondir la festa, ha ditg Heinz Tännler, il president dal comité d'organisaziun. L'arena a Zug porscha cun 56'500 plazs – 1'500 plazs dapli. Ed il preventiv da 35 milliuns francs, è tschintg milliuns pli aut ch'avant trais onns tar la davosa lutga federala. In'arena anc pli gronda na faschess nagin senn. Ils aspectaturs sin ils rangs ils pli auts fissan lura uschè lunsch davent dals rintgs ch'els na pudessan betg pli suandar endretg quai che capita.
RR novitads 17:00