Siglir tar il cuntegn

Header

cuntegn

Lutga Svizra nordoccidentala Schmid e Döbeli giubileschan a Wittnau

A la festa da lutga nordoccidentala gudogna David Schmid la lutga finala cunter Andreas Döbeli. Els partan la victoria da la festa.

Grazia a sias victorias en las lutgas avant era gia cler che Döbeli gudogna la festa. La dumonda era sulet sch'el ha da parter la victoria cun David Schmid. E pront ha el pers la lutga finala, l'emprima terrada per Döbeli a Wittnau. Omadus han uschia cuntanschì 58,50 puncts e quai munta rang 1a per Schmid ed 1b per Döbeli.

Ulteriuras festas dal di

  • Lutga da culm Sörenberg: Joel Wicki gudogna la lutga finala cunter Jonas Brun. Brun vegn uschia quart. Tranteren èn classads Sven Schurtenberger e Roman Zurfluh.
  • Lutga d'Engstlig: Ad Adelboden ha Thomas Inniger pudì festivar la victoria. Il lutgader da 22 onns ha gudagnà la lutga finala cunter Josias Wittwer.

La proxima fin d'emna èn lura la festa da lutga sin la Schwägalp e la festa da lutga chantunala bernaisa a Münsingen. Ils 24 e 25 d'avust è lura la Festa federala da lutga e da gieus alpesters a Zug.

RR novitads 20:00

Artitgels legids il pli savens