Siglir tar il cuntegn

Header

Armon Orlik.
Legenda: Terz plaz per Armon Orlik a la festa da lutga a Flüelen. Keystone
cuntegn

Lutga Terz plaz per Armon Orlik a Flüelen

Il lutgader grischun Armon Orlik n'ha per l'emprima giada en questa stagiun betg cuntanschì la lutga finala ad ina festa da lutga. Tuttina ha Orlik mussà ina grondiusa festa cunter ils lutgaders da la Svizra Centrala questa dumengia a Flüelen. Suenter ch'el ha cumbattì pari en l'emprima lutga da la bun'ura cunter Pirmin Reichmuth, ha Orlik silsuenter gudagnà tschintg lutgas en seria e terminà la festa sin plaz trais.

Triumfà a Flüelen ha Nick Alpiger ch'ha mess den dies en il resgim Christian Schuler en la lutga finala. Per Alpiger è quai enfin uss ses pli grond success da sia carriera. Segund è vegnì Joel Wicki, medemamain in dals gronds favurits.

La fin d'avust stat lura il punct culminant da questa stagiun sin il program, numnadamain la Festa federala da lutga a Zug. Resta Armon Orlik saun e vegn el da conservar sia buna furma, vala el a Zug sco in dals gronds favurits per il titel dal retg da lutga.

RR Sportissimo 17:00