Siglir tar il cuntegn
Inhalt

Naziunal/Internaziunal «Madrid» en il mezfinal da la Champions League

Real Madrid ha battì Bayern München suenter prolungaziun, Atletico Madrid ha giugà ordaifer pari cunter Leicester City.

Il giugader da ballape Cristiano Ronaldo.
Legenda: En il gieu da return cunter Bayern München ha Cristiano Ronaldo sajettà 3 gols, quai suenter ch'el aveva gia sajettà en il prim gieu 2. Keystone

Atletico aveva gudagnà il gieu a chasa cun 1:0. Perquai ha in pari dad 1:1 ordaifer cunter il champiun englais Leicester City basti per vegnir en il mezfinal da la Championsleague.

En l'auter gieu da quartfinal è Real Madrid fruntà sin Bayern München. Il prim gieu aveva Real gudagnà ordaifer cun 2:1 e 2:1 stevi era suenter 90 minutas, questa giada dentant per Bayern. Perquai è il gieu ì en la prolungaziun. Ed en questa prolungaziun ha Cristiano Ronaldo sajettà dus gols, quai suenter ch'el aveva gia sajettà l'1:1. En la 112avla minuta ha Asensio lura anc fatg tut clar. Cun il resultat da 4:2 suenter prolungaziun è Real en il mezfinal.

Ils dus auters gieus da quartfinal, Barcelona cunter Juventus Turin e Monaco cunter Borussia Dortmund èn damaunasaira.

RR novitads 23.00