Siglir tar il cuntegn

Header

Navigaziun

cuntegn

Naziunal/Internaziunal Magnin serrà per trais gieus

Il trenader dal club da ballape da Turitg, Ludovic Magnin è serrà per ils proxims 3 gieus. Quai ha la federaziun svizra da ballape decidì. Suenter il mezfinal da la Cuppa da ballape svizra cunter l'FC Basilea aveva Magnin permalà l'arbiter pliras giadas dad aut sco cugliunader.

La suspensiun da Magnin vala per tuttas concurrenzas ed entra gia en vigur questa fin d'emna cunter Sion. L'FCZ po anc far recurs.

Suspensiuns er per van Eck e Canepa

Cun mintgamain ina suspensiun per il proxim gieu da la cuppa svizra èn chastiads il trenader assistent dal FCZ, René van Eck, sco er il president dal club Ancillo Canepa. Omadus avevan en la 81avla minuta bandunà la zona tecnica e fatg sin il plaz pressiun sin l'arbiter. Lez ha bandischà omadus sin la tribuna.

Multa cunter Streller

Il directur da sport da Basilea, Marco Streller, sto pajair ina multa, perquai ch'el è passà en la zona tecnica malgrà ch'el n'era betg annunzià sin il palpiri da gieu. El n'aveva uschia nagin permiss d'esser en la vischinanza dal banc da giugaders. Pli tard è Streller medemamain ì sin il plaz.

RR novitads 17:00