Siglir tar il cuntegn

Header

Purtret dals trais dasper il fieu.
Legenda: Tadahiro Nomura che ha gudagnà trais medaglias per sia naziun e Saori Yoshida han envidà la flomma. Guardà ha il president Yoshiro Mori. Reuters
cuntegn

Malgrà pandemia 50'000 Giapunais han visità fieu olimpic

Malgrà la pandemia da corona han enturn 50'000 persunas admirà en il Giapun il Fieu olimpic ch'è vegnì preschentà a la staziun da Sendai. Sco medias rapportan, è la colonna da spetga per part stada fin a 500 meters lunga. Intgins dals visitaders hajan spetgà uras a la lunga per vesair il fieu.

Il fieu, ch'è vegnì envidà en la Grezia ha cuntanschì il Giapun venderdi. Ils gieus olimpics en il Giapun, dals 24 da fanadur fin ils 9 d'avust, è in dals sulets gronds eveniments sportivs da quest onn che n'è anc betg vegnì annullà.