Marc Gisin era cupitgà grevamain il schaner 2015 tar il Super-G a Kitzbühel. Il skiunz da 28 onns era sa blessà fermamain vi dal chau, ed aveva perquai stuì interrumper la stagiun 2014/2015. Il davos enviern aveva el lura puspè fitgà pe en la cuppa mundiala, tranter auter cun in 5avel plaz en la cursa rapida da Kitzbühel.
Dapi quest atun haja Marc Gisin dentant puspè survegnì problems pervi da la blessura veglia, scriva Swiss-Ski. El avevi tschaffen da puspè cumenzar ina stagiun nova cun il campiunadi mundial a chasa. Uss saja la trumpada sa chapescha tant pli gronda.
RR novitads 16:00