Siglir tar il cuntegn

Header

Navigaziun

Helicopter sin la pista da Val gardena.
Legenda: En la cursa da Val Gardena è Marc Gisin crudà grevamain. Keystone
cuntegn

Naziunal/Internaziunal Marc Gisin ha tranter auter rut diversas costas

La consultaziun medicinala en l'ospital da Lucerna ha mussà ch'il skiunz Marc Gisin ha rut pliras costas. Ins n'haja dentant betg constatà blessuras gravantas vid il chau.

Suenter ch'il skiunz Marc Gisin era crudà grevamain tar la cursa rapida da Val Gardena èsi uss cler ch'el n'ha betg pli grevas blessuras internas u vi dal chau. Quai hajan las consultaziuns detagliadas en l'ospital da Lucerna mussà, uschia scriva Swiss Ski. L'atlet d'Engelberg saja en in stadi stabil, el haja dentant diversas fracturas. Tranter auter ha el rut pliras costas, quellas hajan er blessà ils pulmuns. Vitiers vegnian ina blessura dal chalun sco er fracturas vid la spina dorsala, quellas na sajan dentant betg gravantas. En pli scriva Swiss Ski che l'um da 30 onns sappia communitgar cun ils medis e ses confamigliars.

RR novitads 16:00