Meglier svizzer al slalom gigant a Kranjska Gora daventa Loic Meillard sco 8avle. El realisescha uschia ses meglier resultat da la carriera en la cuppa mundiala. Ina plazza en ils top 10 ha quai dà per Justin Murisier. Carlo Janka il skiunz da Sursaissa daventa 22avel.
Marcel Hirscher ha dominà la cursa el era gia suenter l’emprim percurs a la testa. Segund è vegni il victur dad ier il franzos Alexis Pinturault. Terz daventa il norvegiais Henrik Kristoffersen.
Hirscher per la 5avla giada victur dal classament general
Marcel Hirscher è il grond dominatur dal circus da skis dals ultims onns. Cun questa victoria al slalom gigant a Kranjska Gora gudogna Hirscher per la 5avla giada en seria il classament general tar ils umens. Era gudogna Hirscher il la cuppa per il meglier skiunz en il slalom gigant.
RR novitads 14:00