Siglir tar il cuntegn

Naziunal/Internaziunal Marin Cilic emprim finalist a Melbourne

Il croat Marin Cilic è l’emprim finalist a l’Australian Open da tennis a Melbourne. Cilic ha battì l’englais Kyle Edmund cun 6:2, 7:6 e 6.2 en il mezfinal . En il final frunta Cilic u sin il defensur dal titel Roger Federer u sin Chung Hyeon da la Corea dal sid.

Marin Cilic.
Legenda: Marin Cilic è l'emprim finalist al Australian Open. Keystone

Per Marin Cilic èsi la terza giada ch’el sa qualifitgescha per in final dad in Grand Slam. Il 2014 aveva el gudagnà igl US Open, l’onn passà ha el pers a Wimbledon encunter Roger Federer. Il Svizzer è lura era ses pussaivel adversari en il final da Melbourne.

Federer dat ses mezfinal sonda avant mezdi encunter Chung Hyeon ch’ha eliminà tranter auter l’anteriur numer 1 Novak Djokovic. Cler è gia uss che Marin Cilic s’avanza grazia a la qualificaziun per il final da la posiziun sis en la glista mundiala sin posiziun trais.

RR novitads 14:00